Konferenca & simpoziume 2013

10 mars -21 mars 2013

Seminar 10 ditor, në Gjermani

Një ekipi prej 12 vetësh, përfshirë studiuesit, specialistët dhe drejtuesit e dy drejtorive të Institutit të Studimit të Krimeve të Komuniznit në Shqipëri, iu mundësua një projekt 10 ditor trajnimi dhe konferencash (10 mars-21 mars 2013)nëpër Gjermani, projekt ky i mbështetur financiarisht dhe me iniciativën e Fondacionit Konrad Adenauer, në Tiranë.

Qëllimi i këtij projekti ishte që ekipi i ISKK të përfitonte nga përvoja gjermane e manxhimit të të shkuarës komuniste, por edhe i të drejtave të njeriut në përgjithësi, dhe krijimi i partneriteteve të ISKK me institucionet gjermane të kësaj natyre. Agjenda e këtij seminari trajnimi përfshinte vizitën dhe kualifikimin në qendra, të cilat, ndodhen në qytete të ndryshme të Gjermanisë, si: Instituti ku ndodhen arkivat e STAS-it, Fondacioni „Rishikimi i pasojave të diktaturës së Partisë Socialiste në ish Gjermaninë Lindore“, Memoriali „Topografia e Terrorit“, ish kampi i përqëndrimit  Buchenwald-it, „Arkiva e levizjes qytetare“, Fondacionit „Maximilian-Kolbe-Stiftung“ „Justitia Pax“, etj.

Në Fondacionin Ettersberg, ISKK, përmes një konferencë të përbashkët, bëri edhe një prezantim të zgjeruar të gjithë aktivitetit të saj dyvjeçar, ku u shfaq edhe një film dokumentar (prodhim i Institutit). I gjithë ky tur trajnimi dhe prezantimi i , u mbyll me një vizitë në Bundestag-un Gjerman, në një takim me deputetët, me të cilët, u bisedua gjërëssht mbi Ligjin e Lustracionit, pasojat e mungesës së tij dhe predispozitat e klasës politike në mbarëvajtjen e këtij Instituti.

28 qeshor, 2013, Spaç

Tryezë e Rrumbullakët: “Në mes të të shkuarës dhe të ardhmes” 

Komisioni “Drejtësi dhe Paqe” i Shqipërisë, Renovanis dhe Fondacioni Maximiliam Kolbe, në bashkëpunim me Institutin e  Studimit të Krimeve dhe Pasoja të Komunizmit dhe Institutin e Integrimit të ish të Përndjekurve Politikë, zhvilluan një tryezë të rrumbullakët në ambjentet e ish- Burgut të Spaçit. Në qendër tëbisedimeve, ishte tërheqja e vëmendjes ndaj dëshmive të krimeve të komunizmit në Shqipëri, dhe iniciativa për ngritjen e një memoriali në Burgun e Spaçit.

24 shtator, 2013

Forum: “Kujtesa dhe Identiteti”

Instituti i Studimit të Krimeve të Komunizmit, i përfaqësuar nga Drejtori Ekzekutiv, z. Agron Tufa, mori pjesë në Forumin “Kujtesa dhe Identiteti” organizuar në kuadër të International Human Right Film Festival Albania, organizuar si çdo vit në ambientet e Akademisë së Filmit dhe Multimedias, “Marubi”.

Të ftuarit në këtë forum ishin prof. Theodore S. Orlin (presidenti honorifik i IHRFFA-s), prof. Lori Amy. z. Agron Tufa dhe znj. Nevila Nika, drejtore e Arkivës Qëndrore të Shtetit.

Pjesë e forumit ishin edhe të rinj nga gjimnazet “Ismail Qemali”, “Sami Frashëri” dhe “Qemal Stafa” të Tiranës.

Përcjellja e kujtesës dhe përgjegjësia shoqërore, e shkuara dhe rishikimi i historisë, qëndrimi zyrtar ndaj kujtesës historike si formë e identitetit, sa punohet me të rinjtë për të transmetuar të shkuarën dhe cila është gjendja e kësaj kujtese sot, jo vetëm mes të rinjve por në tërësi të shoqërisë shqiptare– ishin disa nga temat e trajtuara gjatë ligjëratave dhe debateve të forumit.

7 Nëntor, 2013

Vetëdija kombëtare mbi krimet e komunizmit: 20 vjet më vonë” 

Konferencë për shtyp

Kjo konferencë u zhvillua nga Instituti i Studimit të Krimeve dhe Pasojave të Komunizmit, në bashkëpunim me Fondacionin Konrad Adenauer në Tiranë, në pavionin e genocidit komunist, në Muzeun Historik Kombëtar . Konferenca u zhvillua me rastin e botimit të dhjetë veprave të reja të ISKK, të cilat, edhe u promovuan me atë rast. Përfshirë edhe botimin i vëllimit të dytë të “Fjalorit të viktimave të komunizmit”, i cili, ashtu si edhe vëllimi i parë, u realizua me mbështetjen financiare të Fondacionit Konrad Adenauer. Botimi i nëntë veprave të tjera, urealizuara me mbështetjen financiare të Ministrisë së Kulturës së Shqipërisë.

Në aktivitet, morën pjesë edhe Ministrja e Kulturës, z.Mirela Kumbaro, përfaqësues të Institutit të Integerimit të Ish të Përndjekurve politikë, përfaqësues të trupit diplomatik të akredituar në Tiranë, përfaqësues të organizatave për të drejtat e njeriut, historianë, studiues, etj.