Aktivitete

30 mars, 2012,

“Masakra e Tivarit dhe përgjegjësia e shtetit shqiptar”

Aktivitet përkujtimor

 Instituti i Studimeve të Krimeve të Komunizmit, me rastin e 67-vjetorit të Masakrës së Tivarit, në mjediset e Ministrisë së Kulturës, organizoi konferencën “Masakra e Tivarit dhe përgjegjësia e shtetit shqiptar”. Në qëndër të aktivitetit ishte librit i sapodalë nga shtypi i  z.Uran Butka, me të njejtin titull.Në libër përcillen dokumenta autentikë arkivash të Shqipërisë dhe ish-Jugosllavisë, ditare, letra, kabllograme të dubluara me rrëfimet e të mbijetuarve nga masakra që bëri në mars-prill 1945 Armata Jugosllave, mbi 3000 partizanët e Kosovës.

Ligjeruesit komentuan momentet më të rëndësishme që evidentohen në studimin e z.Butka, fakte të panjohura më parë, ose të fshehura qëllimisht, dhe shpjeguan rëndësinë e tyre në kontekstin e analizimit të natyrës pseudo-patriotike të pushtetit komunist, në Shqipëri.

Paneli përbëhej nga: Agron Tufa, Romeo Gurakuqi, Çelo Hoxha, Kolec Topalli, Pjetër Pepa, Simon Miraka, Uran Butka,etj.

 17 korrik, 2012,

 “Në kujtim të dy poetëve të pushkatuar”

 Aktivitet përkujtimor

Instituti i Studimeve të Krimeve të Komunizmit në bashkëpunim me Institutin e Integrimit të ish të Përndjekurve Poltikë, organizuan një ceremoni përkujtimore, dedikuar poetëve Vilson Blloshmi dhe Genc Leka, me rastin e  35-vjetorit të ekzekutimit të tyre. Folësit, iu referuan jo vetëm të dhënave bografike të dy poetëve dhe mekanizmit me të cilin shteti komunist veproi në eleminimin e tyre, por, theksuan edhe rëndësinë e hapjes së çështjeve të tilla (dhe jo mbylljes së tyre), si një përgjegjësi qytetare.

Paneli përbëhej nga: Simon Miraka, Agron Tufa, Sadik Spahia, Bujar Leskaj, Mark Marku, etj.

Ligjëratat u shoqëruan me një përformancë artistike të veprave të dy poetëve, interpretuar nga aktorët Mirush Kabashi dhe Bujar Asqeriu.

February 27, 2013
In the premises of the Historic Museum in Tirana, the Institute for the Studies of Communist Crimes and Consequences organized a remembrance rally, in remembrance of the communist massacre that took place on February 26, 1951 where 22 pro western intellectuals were executed without trial. Several researchers, historians and family of the victims, discovered new facts revealing the true events of that massacre.
The speakers especially talked about the terror that followed the massacre of February to the families of the victims, but also to all the Albanian Society that discovered the real face of this regime that would stop at nothing to hold the power and will violate every and all human rights .
During the second session of the rally, for the very first time a documentary film was shown “ In the Name of Innocence” made by the journalist Beti Njuma and a production of Top Channel television that treats exactly this issue.

27 shkurt, 2013

“Në emër të pafajësisë”

Tubim përkujtimor me rastin e masakrës komuniste të 26 shkurtit 1951

Në ambjentet e Muzeut Historik në Tiranë, Instituti i Studimit të Krimeve të  Komunizmit, organizoi një tubimi përkujtimor me rastin e masakrës komuniste të 26 shkurtit 1951, ku u pushkatuan pa gjyq 22 intelektualë pro-perëndimorë. Studiues të ndryshëm, historianë dhe familjarë të viktimave, risollën në vëmendje ngjarjen, përmes fakteve të njohura por edhe të reja të zbuluara gjatë viteve të fundit.

Një pjesë të ligjëruesve u ndal në terrorin që pasoi masakrën e 26 shkurtit, jo vetëm në radhët e familjeve të viktimave, por, në efektin që pati në gjithë shoqërinë shqiptare, si diçka që zbuloi hapur fytyrën e regjimit të ri, të vendosur për të ruajtur me çdo kusht pushtetin, duke shkelur të gjitha normat morale dhe njerëzore.

Gjatë seancës së dytë të tubimit, u shfaq për herë të parë filmi dokumentar me titull “Në emër të pafajësisë”, i realizuar nga gazetarja Beti Njuma dhe pruksion i “Top-Channel”, i cili trajton pikërisht këtë ngjarje.